Ջոն Քերին և Ահմեթ Դավութօղլուն երեք օրում երկու անգամ քննարկել են Սիրիայի հարցը
Թուրքական Hürriyet թերթի փոխանցմամբ՝ ԱՄՆ պետքարտուղար Ջոն Քերին հեռախոսազրույց է ունեցել Թուրքիայի արտգործնախարար Ահմեթ Դավութօղլուի հետ:
Մայիսի 6-ի ուշ գիշեր տեղի ունեցած այդ հեռախոսազրույցի ժամանակ կողմերը քննարկել են Սիրիայի հարցը: Քերիի այդ հեռախոսազրույցը տեղի է ունեցել նրա մոսկովյան այցի նախօրեին:
Դրանից առաջ էլ՝ մայիսի 4-ին, Քերին ու Դավութօղլուն դարձյալ հեռախոսազրույց էին ունեցել, որի ժամանակ նրանք մտահոգություն էին հայտնել՝ կապված Սիրիայում քիմիական զենքի հնարավոր կիրառման հետ:
Նրանք երկուսն էլ համաձայնվել էին, որ ՄԱԿ-ը և միջազգային այլ կառույցներ պետք է ներգրավվեն Սիրիայում քիմիական զենքի կիրառման հետաքննության մեջ: Դավութօղլուն ընդգծել է Սիրիայում արյունահեղության դադարեցման համար միջազգային հանրության կողմից ավելի արդյունավետ միջոցների կիրառման անհրաժեշտությունը:
