Իրանի արտգործնախարարն անսպասելիորեն մեկնել է Սիրիա և հանդիպել է Բաշար Ասադի հետ
France-Presse լրատվական գործակալության փոխանցմամբ՝ Իրանի արտգործնախարար Ալի Աքբար Սալեհին երեկ չհայտարարված այցով մեկնել է Սիրիա և հանդիպել է այդ երկրի նախագահ Բաշար Ասադի հետ: Այս մասին հայտնել է Իրանի դիվանագիտական գերատեսչությունում եղած աղբյուրը:
Վերջինիս պնդմամբ՝ Սալեհին ժամանել է Դամասկոս և ընդունվել է նախագահ Բաշար Ասադի կողմից: Նրանց միջև անցկացված բանակցությունների մանրամասների մասին ոչինչ չի հաղորդվում: Սրանից առաջ հաղորդվել էր, թե Սալեհին մեկնում է Հորդանան:
