Իրանի ԱԳՆ-ը պատասխանել է Ադրբեջանի հղած նոտային
Ադրբեջանական Trend լրատվական գործակալության փոխանցմամբ՝ Իրանի ԱԳՆ-ը պատասխանել է Ադրբեջանի հղած նոտային: Իրանական կողմն իր պատասխանում ընդգծել է, որ Ադրբեջանի ձերբակալված քաղաքացիները մեղադրվում են ապօրինի գործողություններում:
Այս մասին այսօր լրագրողների հետ զրույցում հայտարարել է Ադրբեջանի ԱԳՆ-ի պաշտոնական ներկայացուցիչ Էլման Աբդուլաևը: Վերջինիս խոսքերով՝ Ադրբեջանն այդ կապակցությամբ առաջին նոտա-հարցումն արել է մայիսի մեկին, իսկ երկրորդը՝ երեկ:
Աբդուլաևի խոսքերով՝ երկրորդ նոտայում Ադրբեջանի ԱԳՆ-ն իրանական կողմին խնդրել է հանդիպում ձերբակալված քաղաքացիների հետ, ինչպես որ դա նախատեսում է Մարդու իրավունքների Վիեննայի կոնվենցիան:
Թավրիզում Ադրբեջանի քաղաքացիների ձերբակալությունն իրականացվել է ապրիլի 30-ին:
