Մեծ Թուրքիան ոմանց համար վերածվել է խաղալիքի. թուրքական ընդդիմության առաջնորդ
Թուրքական Milliyet թերթի փոխանցմամբ՝ հիմնական ընդդիմադիր ուժ «Ժողովրդա-հանրապետական» կուսակցության (ԺՀԿ) առաջնորդ Քեմալ Քըլըչդարօղլուն կուսակցական նիստի ժամանակ հայտարարել է, որ վարչապետ Ռեջեփ Էրդողանը մտնում է Սիրիայում առկա դիմակայության և մարդկանց զոհվելու մեղավորների թվում.
«Եթե հրդեհի առաջացման դեպքում այն մարելու փոխարեն լցնես բենզին, ապա կունենաս այսպիսի արդյունք: Էրդողանը և նրա կողմից ուղղորդվող արտգործնախարարը (Ահմեթ Դավութօղլու) մեղավոր են Սիրիայում ընթացող իրադարձություններում:
Մեծ Թուրքիան ոմանց համար վերածվել է խաղալիքի: Ռեջե՛փ Թայյիփ Էրդողան, կգա օրը, երբ այն մարդիկ, որոնց դու գումար և զենք ես տալիս, կփակեն քո ճանապարհը»:
Քըլըչդարօղլուն Էրդողանին անվանել է նաև ստախոս՝ ուշադրություն հրավիրելով նրա վրա, որ Ասադին մշտապես քննադատող Էրդողանը չի դատապարտում Իսրայելին՝ Սիրիայում մուսուլմաններին ռմբակոծելու համար:
