Եվրոչինովնիկները գործադուլ են արել՝ ընդդեմ ԵՄ-ի բյուջեի կրճատման
Ռուսական ИТАР-ТАСС լրատվական գործակալության փոխանցմամբ՝ Բրյուսելում ԵՄ-ի ինստիտուտներում ծառայողներն այսօր գործադուլ են արել՝ ընդդեմ ԵՄ-ի բյուջեի կրճատման, ինչը հանգեցնելու է նրանց աշխատավարձերի կրճատմանը:
Բողոքի ակցիային մասնակցել է մոտ 3500 մարդ, ինչի հետևանքով ԵՄ-ի Խորհրդի շտաբ-բնակարանում չեղյալ է հայտարարվել մոտ 20 աշխատանքային նիստ: ԵՄ-ի երկրների ինքնիշխան պարտավորությունների ճգնաժամն իր կնինքն է թողել նաև ողջ ընկերակցության բյուջեի վրա:
ԵՄ-ը ցայժմ չի կարողացել հաստատել 2013 թվականի բյուջեն, իսկ 2014 թվականից սկսած՝ ԵՄ-ի բյուջեն, որի ծավալը կազմելու է մոտ 1 միլիարդ եվրո, պատմության մեջ առաջին անգամ սկսելու է կրճատվել: Այդպիսի պայմաններում եվրոպական կառույցները մշակում են աշխատավարձերի, թոշակների ու նպաստների վճարումը կրճատելու բարեփոխումների համալիր:
Ներկա դրությամբ՝ Եվրահանձնաժողովի գրասենյակային աշխատողի մեկնարկային աշխատավարձը կազմում է 2600 եվրո: Իսկ Եվրահանձնաժողովի գլխավոր տնօրինության պետի մակարդակի չինովնիկն ամսական ստանում է ավելի քան 18.000 եվրո աշխատավարձ և 63 տարեկան հասակում անցնում է թոշակի:
