Հասան Նասրալլահը հաստատել է, որ «Հզբոլլահի» զինյալները մարտնչում են Սիրիայում
France-Presse լրատվական գործակալության փոխանցմամբ՝ լիբանանյան «Հզբոլլահ» շարժման ղեկավար Հասան Նասրալլահը հայտարարել է, որ խմբավորման մարտիկները կառավարական զորքերի կողմում մասնակցել են սիրիական հակամարտությանը՝ թույլ չտալու համար Սիրիայի նախագահ Բաշար Ասադի տապալումը:
Նասրալլահը հավելել է, որ Սիրիայում մեծ թվով ապստամբներ պատրաստվել են զբաղեցնել այն բնակավայրերը, որոնցում ապրում են լիբանանցիներ, և նորմալ է, որ իրենք անհրաժեշտ ու հնարավոր օգնություն են առաջարկել սիրիական բանակին.
«Սիրիան տարածաշրջանում ունի իսկական ընկերներ, որոնք թույլ չեն տալիս, որ նա ընկնի ԱՄՆ-ի, Իսրայելի ու ծայրահեղականների ձեռքը»:
Ավելի վաղ Լիբանանի ԱԳՆ-ը հերքել էր սիրիական ընդդիմության մեղադրանքը և հայտարարել էր, որ լիբանանյան, շիական «Հզբոլլահ» շարժման զինյալներն Ասադի կողմում չեն մասնակցում Սիրիայում մղվող ռազմական գործողություններին:
