Պուտինն առաջարկել է օտար երկրների ռուսալեզու բոլոր քաղաքացիներին շնորհել Ռուսաստանի քաղաքացիություն
Korrespondent.net-ի փոխանցմամբ՝ Ռուսաստանի նախագահ Վլադիմիր Պուտինը կառավարությանը հանձնարարել է մշակել և Պետդումայում ընդունել մի օրենք, որն օտար երկրների ռուսալեզու քաղաքացիներին հնարավորություն կընձեռի հեշտացված կարգով ստանալ Ռուսաստանի քաղաքացիություն, եթե, իհարկե, նրանք հայտնեն նմանատիպ ցանկություն և հրաժարվեն օտար երկրի քաղաքացիությունից:
Օրենքը նախատեսում է այդ մարդկանց համար դյուրացնել Ռուսաստանի քաղաքացիություն ստանալու ընթացակարգը և կրճատել համապատասխան դիմումների դիտարկման ժամկետը:
Այդ օրենքից բխող հնարավորություններից մասնավորապես կարող են օգտվել ժամանակին ԽՍՀՄ-ում և Ռուսաստանում բնակված մարդկանց հարազատները: Պուտինի տվյալ հանձնարարականի ժամկետը սպառվում է սեպտեմբերի 15-ին:
