Մեզ հաստատապես հայտնի է, որ Սիրիայում կիրառվել է քիմիական զենք. Բարաք Օբամա
Ամերիկյան Associated Press լրատվական գործակալության փոխանցմամբ`ԱՄՆ նախագահ Բարաք Օբաման հայտարարել է, որ ԱՄՆ-ի իշխանություններին հաստատապես հայտնի է, որ Սիրիայում կիրառվել է քիմիական զենք:
Դրա հետ մեկտեղ Օբաման ընդգծել է, որ իրենց դեռ հայտնի չէ, թե հակամարտող կողմերից որ մեկն է կիրառել քիմիական զենք: Ամերիկյան կողմը չի բացառում, որ կարող է դիմել ուժի կիրառմանը, եթե ապացուցվի, որ Սիրիայի կառավարական ուժերը կիրառել են քիմիական զենք:
Սիրիայում քիմիական զենքի կիրառման մասին խոսակցությունները սկիզբ առան նախորդ տարեվերջից և չեն դադարում մինչ այս: Կառավարական ուժերը դրանում մեղադրում են ապստամբներին, իսկ վերջիններս՝ կառավարական ուժերին:
