«Նաիրիտցիները» գնացին նախագահական նստավայր
Կառավարության շենքի առջև հավաքված՝ բանակցությունների արդյունքից դժգոհ մնացած նաիրիտցիների մի մասը, չենթարկվելով Արհմիության նախագահ Հրաչ Թադևոսյանի կոչին, գնացին նախագահական նստավայր։ Նկատենք, որ կառավարության շենքի առջև ցուցարարներից շատերը ևս դժգոհ էին բանակցությունների արդյունքից, սակայն տարակուսելով, որ նախագահական նստավայր գնալով չեն հասնի որոշակի արդյունքի՝ որոշեցին չմիանալ իրենց գործընկներիներին։
Հիշեցնենք, որ «Նաիրիտ» գործարանի աշխատակիցները բողոքի ակցիա էին անցկացնում Կառավարության շենքի դիմաց՝ պահանջելով վճարել իրենց մեկ տարվա աշխատավարձը։
