Դավիթ Հակոբյան. «Լիչնո Լևոն Ակոպիչը վաղուց կորցրել է իր նշանակությունն այս հարցում»
Հայաստանի մարքսիստական կուսակցության առաջնորդ Դավիթ Հակոբյանը կարծում է, որ «Հայ ազգային կոնգրես» կուսակցության առաջին համագումարում կուսակցության առաջնորդ, առաջին նախագահ Լևոն Տեր-Պետրոսյանի հնչեցրած՝ բուրժուադեմոկրատական հեղափոխության մասին թեզն արդեն հնացած է:
«Հարգարժան Լևոն Ակոպիչը նորագույն պատմության էջերը երևի մոռացության է տվել: 1990-ականներին իրենք կատարեցին թավշյա բուրժուադեմոկրատական հեղափոխություն`հասարակության ռետրոգրատ տրասնֆորմացիայով: Պատմության մեջ չլսված-չտեսնված բան: Եթե 1917թ. բոլշևիկները մի քանի մանթաշովներին կուլակաթափ էին անում, տալիս էին ժողովրդին, սրանք ժողովրդի սեփականությունը կուլակաթափ արեցին, տվեցին մի քանի մանթաշովիկների»,- 168.am-ին ասաց գլխավոր մարքսիստը:
Նրա կարծիքով, այսօր արդեն հայ հասարակությանը պետք է գյուղացիաբանվորական և ոչ թե՝ բուրժուադեմոկրատական հեղափոխություն: «Լիչնո Լևոն Ակոպիչը վաղուց կորցրել է իր նշանակությունն այս հարցում»,- վստահ է Դավիթ Հակոբյանը:
