Ադրբեջանն Իսրայելի հիմնական նավթամատակարարն է. ամերիկյան զեկույց
Իրանական Mehr լրատվական գործակալության փոխանցմամբ՝ ամերիկյան հետազոտական կենտրոնն ադրբեջանա-իսրայելական հարաբերությունները որակել է որպես Թեհրանի ու Բաքվի միջև լարվածության հիմնական աղբյուր:
Մերձավորարևելյան հետազոտությունների վաշինգտոնյան ինստիտուտն իր զեկույցում ընդգծել է, որ վերջին տարիներին Իսրայելի ու Ադրբեջանի միջև ընդլայնվել է համագործակցությունը ռազմական ու ֆինանսական ոլորտներում, ինչպես նաև անվտանգության հարցերում:
Զեկույցում ասվում է, որ Բաքուն հանդիսանում է Իսրայելի հիմնական նավթամատակարարը. Իսրայելի ներկրած նավթի մինչև 40 տոկոսը բաժին է ընկնում ադրբեջանական նավթին: Ադրբեջանն Իսրայելից ստանում է ռազմական տեխնիկա ու տեխնոլոգիաներ:
