Թուրքիան ցանկանում է տարեկան 160.000 տոննա միրգ ու բանջարեղեն Վրաստանով արտահանել Ռուսաստան
Новости-Грузия լրատվական գործակալության փոխանցմամբ` Թուրքիան ցանկանում է տարեկան մոտ 160.000 տոննա միրգ ու բանջարեղեն Վրաստանի տարածքով արտահանել Ռուսաստան: Այս մասին հայտարարել է Россельхознадзор-ը:
Վերջինիս ղեկավար Սերգեյ Դանկվերտը տվյալ հարցով հանդիպել է Թուրքիայի էկոնոմիկայի փոխնախարար Բյուլենթ Ուղուր էջևիթի հետ: Հանդիպման ժամանակ կողմերը բանակցել են «Վերին Լարս» անցակետով թուրքական արտադրանքի առաքման հնարավորությունը:
Դա զգալիորեն կնվազեցնի նման առաքումների ծանրաբեռնվածությունը ռուսական Նովոռոսիյսկ նավահանգստից: Բացի այդ, դա հնարավորություն կտա ուղիղ առաքումներ սկսել Աֆրիկայից Ռուսաստան, ինչը զգալիորեն կկրճատի արտադրանքի մատակարարման ժամկետը:
Թուրքական կողմի առաջարկով` պլանավորված է «Վերին Լարս» անցակետով տարեկան մատակարարել 160.000 տոննա թարմ միրգ ու բանջարեղեն:
