Excel-ն արդեն ունի տվյալների աշխարհագրական 3D պատկերում ապահովող հավելված (տեսանյութ)
Microsoft ընկերությունը ցուցադրել է GeoFlow անվամբ հավելվածը, որը նախատեսված է Excel ծրագրի համար: Նոր հավելվածն աշխարհագրական և ժամանակային կապ ունեցող տվյալների եռաչափ (3D) պատկերման համար է. գրում է Lenta.ru-ն:
Հավելվածն օգտատիրոջը հնարավորություն է տալիս տեսնել իր տվյալների փոփոխությունը ժամանակի ընթացքում և անգամ այդ մասին տեսանյութ պատրաստել: Գործիքի օգտագործման նմանատիպ մի օրինակ ներկայացված է Excel-ի բլոգում:
GeoFlow-ի նախնական տարբերակը կարելի է բեռնել Microsoft-ի կայքից: Հավելվածը կարող են օգտագործել «Office 365 ProPlus» և «Office Professional Plus 2013» փաթեթի օգտատերերը:
