Իսրայելը հարվածել է Սիրիայի տարածքին
Բրիտանական Reuters լրատվական գործակալության փոխանցմամբ`Իսրայելի զինված ուժերը կրակ են բացել Սիրիայի տարածքի ուղղությամբ: Դա իրականացվել է ի պատասխան Գոլանի բարձունքների գնդակոծման:
Իսրայելական բանակի մամուլի ծառայությունը հայտնել է, որ Սիրիայի կողմից իրականացված գնդակոծության հետևանքով ոչ մի զինծառայող չի տուժել: Իսրայելը դեռ տեղյակ չէ, թե ով է գնդակոծել Գոլանի բարձունքները:
Իսրայելը տվյալ միջադեպի մասին իրազեկել է ՄԱԿ-ին: Մոտ 3 շաբաթ առաջ էլ իսրայելա-սիրիական սահմանին` Գոլանի բարձունքների շրջանում, պայթել էր սիրիական կողմից արձակված նռնակը:
