2012 թվականին Պուտինը երեք անգամ ավելի քիչ է վաստակել` Օբամայի համեմատ
Lenta.ru-ի փոխանցմամբ`Ռուսաստանի նախագահ Վլադիմիր Պուտինը 2012 թվականին վաստակել է 5.790.000 ռուբլի: Այս մասին նշված է երեկ Կրեմլի կայքում հրապարակված փաստաթղթղում: Ռուսական Rosbalt լրատվական գործակալության տվյալներով` նախորդ տարի Պուտինը երեք անգամ պակաս գումար է վաստակել` ԱՄՆ նախագահ Բարաք Օբամայի հետ համեմատ (608.000 դոլար):
Միևնույն ժամանակահատվածում նախագահի կինը վաստակել է ավելի քան 120.000 ռուբլի: Նախորդ տարի Պուտինը վաստակել է 3.661.000 ռուբլի: Փաստաթղթի համաձայն, պետության ղեկավարն ունի 2 բնակարան, հողակտոր, ավտոտնակ, ավտոտնակի նման 18 քառակուսի մետրանոց տարածք, «Սկիֆ» կցասայլ և 3 ավտոմեքենա` ГАЗ-М21, ГАЗ-М21-Р և Нива:
Ռուսաստանի վարչապետ Դմիտրի Մեդվեդևն իր հերթին նախորդ տարի վաստակել է 5.814.000 ռուբլի, իսկ նրա կինը` 443.000 ռուբլի: 2011 թվականին, երբ Մեդվեդևը Ռուսաստանի նախագահն էր, վաստակել է 3.371.000 ռուբլի:
