Մամեդյարովը մեկնաբանել է ամերիկյան նահանգի կողմից ԼՂՀ-ի անկախության ճանաչումը
Ադրբեջանական Trend լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը լրագրողների հետ զրույցում անդրադարձել է ԱՄՆ Մեն նահանգի կողմից ԱՄՆ նախագահին ու Կոնգրեսին դիմելուն՝ կապված ԼՂՀ-ի անկախության ճանաչման հետ:
Մամեդյարովը հայտարարել է, որ դա վկայում է Հայկական լոբբիի ջանքերի մասին, ով ցանկանում է ի ցույց դնել իր կարևորությունը:
Հիշեցնենք, որ երեկ հայտնի դարձավ, որ ԱՄՆ-ի Մեն նահանգը ճանաչել է ԼՂՀ-ի անկախությունը: Նահանգի Սենատն ու Ներկայացուցիչների պալատն ընդունել են ԼՂՀ-ի անկախության ճանաչման մասին համատեղ բանաձև: Վերջինիս հեղինակները մասնավորապես ԱՄՆ-ի նախագահին ու Կոնգրեսին կոչ են արել աջակցել Ղարաբաղի ինքնորոշման ու անկախանալու իրավունքը:
