Բիձինա Իվանիշվիլիին մտահոգում են դեռահասների շրջանում ծխելու և խմելու խնդիրները
Грузия Online-ի փոխանցմամբ՝ Վրաստանի վարչապետ Բիձինա Իվանիշվիլին թերթերի խմբագիրների հետ հանդիպման ժամանակ մտահոգություն է հայտնել դեռահասների ու երիտասարդների շրջանում ծխելու և ալկոհոլի հետ կապված առկա խնդիրների կապակցությամբ:
Իվանիշվիլին հայտարարել է, որ իրեն մեծապես մտահոգում է այն, որ գնալով սրճարաններում ու բարերում սկսել են հայտնվել ավելի մեծ թվով հարբած դեռահասներ. «Մենք որոշել ենք ապրիլի վերջից խստացնել ալկոհոլ օգտագործելու և ծխելու կանոնները, քանի որ դա մեծ խնդիր է մեր հասարակության համար:
Ես գիտեմ, որ Վրաստանը գինու երկիր է և այստեղ առկա է ալկոհոլ օգտագործելու բարձր մշակույթ, սակայն չնայած դրան՝ խնդիրներ կան երիտասարդության շրջանում: Դրա հետ կապված Առողջապահության նախարարությունը մշակել է մի ամբողջ ծրագիր»:
