Մենք կորցրինք մեծ առաջնորդի. Դևիդ Քեմերոն
BBC-ի փոխանցմամբ՝ Մեծ Բրիտանիայի վարչապետ Դևիդ Քեմերոնն ընդհատել է իր եվրոպական շրջագայությունը՝ կապված նախկին վարչապետ, 87-ամյա Մարգարետ Թետչերի մահվան հետ:
Քեմերոնը մոտակա ժամերին կվերադառնա Մեծ Բրիտանիա:
Թետչերի մահվան հետ կապված՝ Քեմերոնը հայտարարել է, որ երկիրը կորցրեց մեծ առաջնորդի. «Մենք կորցրինք մեծ առաջնորդի, մեծ վարչապետի և ազգի մեծ ներկայացուցչի»:
Նշվում է, որ 2012 թվականի դեկտեմբերին Մարգարետ Թետչերը հոսպիտալացվել էր և միզապարկի շրջանում ենթարկվել ոչ մեծ վիրահատության: Դեկտեմբերի 28-ին նրան դուրս էին գրել հիվանդանոցից: Վերջին տարիներին Թետչերը մի քանի անգամ հոսպիտալացվել է:
Բարոնուհի Թետչերը 1979-1990 թվականներին հանդիսացել է Մեծ Բրիտանիայի 71-րդ վարչապետը: Նա պատմության մեջ առաջին և միակ կինն է, ով գլխավորել է Մեծ Բրիտանիայի կառավարությունը:
