Իրանի ժողովուրդը պետք է, նախագահական ընտրություններին մասնակցելով, հզոր պատասխան տա թշնամիներին. Մոթաքի
Իրանական ISNA լրատվական գործակալության փոխանցմամբ՝ Իրանի ժողովուրդը պետք է հզոր պատասխան տա թշնամիներին՝ մասնակցելով առաջիկա նախագահական ընտրություններին: Այս մասին հայտարարել է Իրանի նախագահի թեկնածու, նախկին արտգործնախարար Մանուչեհր Մոթաքին:
Վերջինիս խոսքերով՝ իրանցիները պետք է պաշտպանեն իսլամական հեղափոխության սկզբունքները: Նա հավելել է, որ թշնամիները սխալմամբ կարծում են, թե Իրանի վրա ճնշում գործադրելու միջոցով կարող են ազդել ընտրությունների վրա:
Մոթաքին 5 տարի զբաղեցրել է Իրանի արտգործնախարարի պաշտոնը: Ներկայումս նա ներկայացնում է պահպանողականների ճամբարը: Իրանում նախագահական ընտրությունները տեղի են ունենալու այս տարվա հունիսի 14-ին:
