Թբիլիսիում ռելսերից դուրս եկած գնացքից թափվել է 180 տոննա դիզելային վառելիք
Грузия Online-ի փոխանցմամբ՝ Թբիլիսիում այսպես կոչված օդանավակայանի կամրջի վրա ռելսերից դուրս է եկել վառելիք տեղափոխող գնացքը: Այս մասին հայտնել է Արտակարգ իրավիճակների թբիլիսյան ծառայության ղեկավար Թեմուր Գիորգաձեն:
Վերջինիս հաղորդմամբ՝ ռելսերից դուրս են եկել էլեկտրագնացքն ու դրան հաջորդող 3 վագոնները, որոնք լեցուն են եղել դիզելային վառելիքով:Նա մանրամասնել է, որ վթարը տեղի է ունեցել ժամը 07.45-ին՝ ընդգծելով, որ բարեբախտաբար, վագոններում բենզին չի գտնվել:
Նա հավելել է, որ թափված դիզվառելիքն արագորեն տարածվում է և կարող է հասնել բնակելի շրջաններին: Նախնական տվյալներով՝ թափվել է մինչև 180 տոննա դիզելային վառելիք:
