2012 թվականին Սիրիայի արտահանումը նվազել է 78, իսկ ներկրումը՝ 97 տոկոսով
Թուրքական Dünya Bülteni լրատվական կենտրոնի փոխանցմամբ՝ Սիրիայում ընթացող քաղաքացիական պատերազմը մեծ վնաս է պատճառել արտաքին առևտրին: Այս մասին հայտնել է Դամասկոսում գործունեություն ծավալած կիսապաշտոնական «Ալ-Վաթան» թերթը:
Վերջինիս անցկացրած հետազոտությունը ցույց է տվել, որ 2011 թվականի համեմատ 97.3 տոկոսով անկում է ապրել ներկրումը, ինչի պատճառը մեծ թվով ենթակառույցների ավերումն ու բազմաթիվ կազմակերպությունների գործունեության դադարեցումը:
Քաղաքացիական պատերազմից մեծապես տուժել է արտահանումը, որն անկում է ապրել 78.4 տոկոսով: Եթե 2011 թվականին Սիրիայի արտահանումը կազմել է 16.57 միլիարդ դոլար, ապա 2012 թվականին այն նվազել է մինչև 3.58 միլիարդ դոլար:
Նշվում է, որ արտաքին առևտրի ծավալի նվազման հարցում մեծ դեր են խաղում նաև Սիրիայի հանդեպ սահմանված միջազգային պատժամիջոցները:
