Էրդողանը դռնփակ հանդիպում է ունեցել Ջոն Քերիի հետ

Թուրքական Anadolu լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը երեկ Ստամբուլում հանդիպել է ԱՄՆ պետքարտուղար Ջոն Քերիի հետ:

Հանդիպումը տեղի է ունեցել Դոլմաբահչե պալատում գտնվող վարչապետական նստավայրում և անցել է դռնփակ պայմաններում: Այդ ժամանակ Դոլմաբահչեի առջև կազմակերպվել է բողոքի ակցիա, սակայն անվտանգության ուժերը կանգնեցրել են ցուցարարներին ու ձերբակալել են 9 ցուցարարի: