Ադրբեջանցի զինծառայողը դիրքերում զոհվել է իր իսկ ինքնաձիգից արձակված կրակոցից
Ադրբեջանական Trend լրատվական գործակալության փոխանցմամբ` ադրբեջանական բանակի զինծառայողը զոհվել է ծառայողական ինքնաձիգից արձակված կրակոցից:
Միջադեպը գրանցվել է ճակատային զորամասերից մեկում, ուր զինծառայող Իմանով Էլման Յաղուբօղլուն, այսօր առավոտյան ժամը 08.30-ին գտնվելով դիրքերով, իր ծառայողական ինքնաձիգից պատահաբար կրակել է իր վրա:
Ստացած վերքից զինծառայողը մահացել է: Այս մասին հայտնել է Ադրբեջանի ՊՆ-ի մամլո ծառայությունը: Տարվում է հետաքննություն:
