Իսլամը Եվրոպայի ապագան է. Էգեմեն Բաղըշ
![](https://168.am/wp-content/uploads/2013/04/bb2b98a9e9b5a571dbff3e597b2d9d500659aff6.jpg)
Թուրքական Hürriyet Daily News թերթի փոխանցմամբ՝ Թուրքիայի՝ Եվրամիության հարցերով պետնախարար Էգեմեն Բաղըշը մեկնաբանել է Ֆրանսիայի աջ ծայրահեղական շարժման առաջնորդ Մարինա Լե Պենի այն հայտարարությունը, թե վերջին ժամանակներս իսլամը, ինչպես երբեք, տեսանելի է դարձել Ֆրանսիայում.
«Եվրոպայի ապագան իսլամն է: Եվրոպացիները թող գլուխները չթաղեն ավազի մեջ՝ ձևացնելով, թե չեն հասկանում դա: Մենք հիանալի իրազեկված ենք Թուրքիայի հանդեպ Լե Պենի բացասական դիրքորոշման մասին, սակայն նախընտրում ենք ուշադրություն չդարձնել դրան:
Ֆրանսիայի բնակչության 11 տոկոսը մուսուլմաններ են: Եվրոպայի բնակիչների 8-9 տոկոսը դավանում է իսլամ: Մինչև 2030 թվականն այդ ցուցանիշը կհասնի մինչև 15 տոկոսի: Այդ պլանում ես լիովին համաձայն եմ Գերմանիայի նախկին նախագահի հետ, ով դեռ երեք տարի առաջ կանխատեսել էր ԵՄ-ում մուսուլմանների ազդեցության մեծացում»:
2010 թվականին Գերմանիայի նախկին նախագահ Քրիստիան Վուլֆը հայտարարել էր, որ իսլամը քրիստոնեության հետ նույնչափ հանդիսանում է գերմանական մշակույթի ու պատմության անբաժանելի մասը: Այս հայտարարությունը բուռն բողոքներ էր առաջացրել բնակչության շրջանում: