Լևոն Արոնյանը պարտվում է և նահանջում 3-րդ հորիզոնական. Հավակնորդների մրցաշար
Հայաստանի թիվ մեկ գրոսմայստեր Լևոն Արոնյանը երկրորդ պարտությունը կրեց աշխարհի չեմպիոնի կոչման հավակնորդների մրցաշարում: 11-րդ տուրում Լևոնը սևերով զիջեց ռուս Պյոտր Սվիդլերին և մրցաշարային աղյուսակում նահանջեց 3-րդ հորիզոնական:
Երկրորդ տեղ բարձրացավ աշխարհի նախկին չեմպիոն Վլադիմիր Կրամնիկը, ով այս տուրում սպիտակ խաղաքարերով պարտության մատնեց ադրբեջանցի Թեյմուր Ռաջաբովին:
Միանձնյա առաջատարը նորվեգացի Մագնուս Կարլսենն է, ՖԻԴԵ-ի վարկանիշային աղյուսակի առաջատարը 11-րդ տուրում միավորը կիսեց Ալեքսանդր Գրիշչուկի հետ: Ոչ ոքի ավարտվեց նաև Վասիլի Իվանչուկ – Բորիս Գելֆանդ պարտիան:
11-րդ տուրից հետո մրցաշարային աղյուսակն ունի հետևյալ տեսքը.
| 1. | Կարլսեն | 7.5 |
| 2. | Կրամնիկ | 7.0 |
| 3. | Արոնյան | 6.5 |
| 4. | Սվիդլեր | 5.5 |
| 5. | Գրիշչուկ | 5.0 |
| 6. | Գելֆանդ | 5.0 |
| 7. | Իվանչուկ | 4.0 |
| 8. | Ռաջաբով | 3.5 |
Մարզական լրահոսն ապահովում է SportArmenia.com-ը
