Որակավորման քննությունները կանցնեն էլեկտրոնային թեստավորմամբ
ՀՀ ֆինանսների նախարարության «Ուսուցման կենտրոն» ՊՈԱԿ-ում Գերմանիայի միջազգային համագործակցության ընկերության (GIZ) աջակցությամբ հիմնվել է թեստավորման կենտրոն, որի բացման արարողությունը տեղի ունեցավ ս.թ. մարտի 27-ին: Միջոցառմանը մասնակցում էին ՀՀ ֆինանսների նախարարի առաջին տեղակալ Պավել Սաֆարյանը, Գերմանիայի միջազգային համագործակցության ընկերության տարածաշրջանային տնօրեն Հանս Յոահիմ Փրոյսը, Գերմանիայի միջազգային համագործակցության ընկերության երևանյան գրասենյակի ղեկավար Դագմար Բոթը, այլ պաշտոնատար անձինք:
Թեստավորման կենտրոնի հիմնումը հնարավորություն Է ընձեռում այսուհետ ՀՀ ֆինանսների նախարարության կողմից կազմակերպվող որակավորման քննություններն (հաշվապահների, աուդիտորների, ներքին աուդիտի և գնումների մասնագետների) անցկացնել էլեկտրոնային թեստավորման եղանակով, ինչը էականորեն կբարելավի քննությունների անցկացման գործընթացը՝ ապահովելով դրա առավել արդյունավետ և օբյեկտիվ իրականացումը:
