Կառավարությունը 20 մլն 500 հազ. դրամ կտրամադրի Պարույր Հայրիկյանի բուժման համար
ԱԻՄ առաջնորդ, ՀՀ նախագահի նախկին թեկնածու Պարույր Հայրիկյանի բուժումը արտերկրում իրականացնելու նպատակով ՀՀ կառավարության այսօրվա որոշմամբ ՀՀ առողջապահության նախարարությանը կտրամադրվի 20 մլն 500 հազ. դրամ:
Ինչպես նշում է tert.am-ը, գումարը նախարարությանը կտրամադրվի Հայաստանի Հանրապետության 2013 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
Հիշեցնենք, որ 2013թ. հունվարի 31-ի կեսգիշերին մոտ Տպագրիչների փողոցում Հայաստանի Հանրապետության նախագահի ընտրությունների քարոզարշավի ժամանակ ՀՀ նախագահի թեկնածու Պարույր Հայրիկյանի նկատմամբ մահափորձ էր իրականացվել:
