Դոլարի վաճառքի գինը հասել է 419 դրամի
«ՆԱՍԴԱՔՕԷՄԷՔՍ Արմենիա» բորսայում այսօր՝ մարտի 19-ին, դոլարի միջին փոխարժեքը կազմել է 417.37 դրամ, ինչը նախորդ նստաշրջանի համեմատ 0.78%-ով ավելի բարձր է։ Բորսայում վաճառվել է ընդհանուր առմամբ 5 միլիոն 800 հազար դոլար։
Հիշեցնենք, որ երեկ բորսայում արտարժույթի գործարքներ տեղի չեն ունեցել։ Պահանջարկի գինը հասել էր մինչև 415.51 դրամի, իսկ առաջարկի գինը չէր իջել 416 դրամից։
Առևտրային բանկերն այս պահին դոլարը գնում են միջինը 415.5 դրամով, վաճառում՝ 419 դրամով։ Որոշ կետերում դոլարի վաճառքի գինը հասել է 420 դրամի։
