«Երևան-Վան» ավիաչվերթի շահութաբերությունը կասկած է հարուցում. Էլմար Մամեդյարով
Ադրբեջանական Trend լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովն այսօր լրագրողների հետ զրույցում անդրադարձել է «Վան-Երևան» ավիաչվերթի բացման խնդրին, որը պետք է տեղի ունենա ապրիլի 3-ին.
«Թուրքիայի ԱԳՆ-ը և Ադրբեջանում այդ երկրի դեսպանն արդեն իսկ քանիցս հայտնել են «Երևան-Վան» ավիաչվերթի բացման հարցում Անկարայի դիրքորոշումը, որը կայանում է նրանում, որ այդ չվերթը պլանավորել է իրականացնել մասնավոր ընկերությունը (Bora Jet):
Դեռ հայտնի չէ, թե արդյոք այդ չվերթները կլինե՞ն շահութաբեր և արդյոք կհավաքվե՞ն անհրաժեշտ քանակությամբ ուղևորներ»:
