Քիմ Քարդաշյանը կամուսնալուծվի մայիսին
Հայազգի մոդել Քիմ Քարդաշյանի և նրա ամուսնու՝ բասկետբոլիստ Քրիս Հեմֆրիսի ամուսնալուծության պրոցեսը կսկվի մայիս ամսից: Ինչպես հայտնում է «The Sun» պարբերականը, մոդելի ամուսինը կպահանջի անվավեր ճանաչել իրենց ամուսնությունը. բասկետբոլիստը կարծում է, որ 72 օր տևած իրենց համատեղ կյանքի ընթացքում Քիմն օգտագործել է իրեն և ծառայեցրել իր շահերին: Քրիսը մասնավորապես նշում է, որ Քիմը 18 մլն դոլար է ստացել ամուսնության արդյունքում. «Մեր ամուսնությունը միայն PR քայլ էր՝ Քիմի վարկանիշը ռեալիթի-շոուում բարձրացնելու համար»:
Պարբերականը նաև նշում է, որ եթե զույգն ամուսնալուծվի, ապա Քրիս Հեմֆրիսը, ամուսնական պայմանագրի համաձայն, կարող է ազատ պատմել իր ու Քիմի հարաբերությունների մասին:
