Ո՞վ է հաջորդը պաշտոնանկ լինելու. մամուլ
«Հրապարակ» օրաթերթը գրում է. «Արմավիրի և Վանաձորի քաղաքապետների, Շիրակի մարզպետի պաշտոնանկության գործընթացներից հետո բոլոր այն տարածքներում, որտեղ Սերժ Սարգսյանը պարտվել է, ահուսարսափ է տիրում։ Ո՞վ է հաջորդը։ Մեր տեղեկություններով, հատկապես անհանգիստ են մարզպետներն ու համայնքապետերը։ Օրինակ՝ Լոռու մարզու։
Երեկ սարսափելի անտրամադիր են եղել նաև Երևանի 3 վարչական տարածքների ղեկավարները՝ Ավան, Արաբկիր, Աջափնյակ, որտեղ ևս ցուցանիշները վատն են եղել։ Սև ցուցակի «հերոսները», սակայն, ձեռքերը ծալած չեն նստում՝ ամեն ջանք գործադրում են իրենց «անմեղությունն» ապացուցելու համար»։
