Դասադուլավոր ուսանողները շարժվում են դեպի Բժշկական համալսարան
Ընտրությունների արդյունքների դեմ բողոքող և դասադուլի կոչ անող ուսանողները Երևանի պետական տնտեսագիտական համալսարանի մոտից շարժվում են դեպի Երևանի պետական բժշկական համալսարան։
168.am-ի թղթակիցը հայտնում է, որ մի խումբ տղաներ փակել էին Երևանի պետական տնտեսագիտական համալսարանի մուտքը։ Ըստ ակցիայի կազմակերպիչների, դա միտումնավոր է արվել, որպեսզի այլ երիտասարդներ չկարողանան միանան դասադուլին։
Բողոքող երիտասարդներին ուղեկցում են ոստիկանները։ Երևանի փոխոստիկանապետ Վալերի Օսիպյանը ակցիայի կազմակերպիչ Դանիել Իոաննեսյանին ասել է, որ վերջինս պետք է պատասխան տա մասնակիցների ցանկացած անօրինական գործողության համար։
Նշենք, որ հանրապետության տարբեր բուհերի ավելի քան 100 ուսանողներ դասադուլ են հայտարարել. նրանք բողոքում են նախագահական ընտրությունների ընթացքում տեղի ունեցած կեղծիքների դեմ և պահանջում են չեղյալ հայտարարել ընտրությունների արդյունքները։
