Իսրայելն անհանգստացած է Ջոն Քերրիի՝ իրանցի փեսա ունենալու առթիվ. իրանական մամուլ
Իրանական Mehr լրատվական գործակալության փոխանցմամբ՝ Իսրայելն անհանգստանալու նոր առիթ ունի: Խոսքը գնում է ԱՄՆ նորանշանակ պետքարտուղար Ջոն Քերրիի դստեր ամուսնու (փեսայի) էթնիկ ծագման մասին:
Իրանական գործակալությունն ընդգծում է, որ Իսրայելն ԱՄՆ պետքարտուղարի պաշտոնում Քերրիի նշանակմանը զգուշավորությամբ է մոտեցել ոչ թե նրա համար, որ նա Իսրայելին կոչ է արել երկխոսել Իրանի ու Սիրիայի հետ, այլ նրա համար, որ իրականում Քերրիի փեսան հանդիսանում է իրանցի վտարանդու զավակ:
Քերրի փեսա Բեհրուզ Նահեդը բժիշկ է և աշխատում է Հարվարդի համալսարանի նյարդաբանական ամբիոնում: Նա 32 տարեկան է և Քերրիի դստեր՝ Վանեսայի հետ ամուսանցել է 2009 թվականին:
