Տարին փակել ենք 2.8 միլիարդ դոլարի բացասական հաշվեկշռով
2012 թվականի հունվար-դեկտեմբերի ամիսների տվյալներով՝ ՀՀ արտաքին առևտրի բացասական հաշվեկշիռը կազմել է ավելի քան 2.9 միլիարդ դոլար։
Այս մասին կարելի է տեղեկանել Ազգային վիճակագրական ծառայության կողմից այսօր հրապարակված զեկույցում, որն ամփոփում է 2012 թվականի հունվար-դեկտեմբերի նախնական մակրոտնտեսական ցուցանիշները։
Զեկույցի համաձայն, արտահանման ծավալը նախորդ տարի կազմել է 1.428 միլիարդ դոլար, իսկ ներմուծումը՝ 4.266 միլիարդ դոլար։ Չնայած, որ արտահանման աճի տեմպն ավելի բարձր է եղել, քան ներմուծմանը (7%-ը 2.9%-ի դիմաց), արտաքին առևտրի բացասական հաշվեկշիռը մեծացել է և հասել 2.8 միլիարդ դոլարի։
