Դեդ Հասանի կլանն ունի նոր առաջնորդ
Ռուսական Rosbalt լրատվական գործակալության փոխանցմամբ՝ հունվարի 16-ին Մոսկվայում սպանված «օրենքով գող» Ասլան Ուսոյանի (Դեդ Հասանի) կրիմինալ կլանը նրա մահվանից հետո գլխավորել է նրա զարմիկ Դմիտրի Չանտուրիան, ով հայտնի է «Միրոն» մականվամբ: Այս մասին հայտնել է իրավապահ մարմիններում եղած աղբյուրը:
Նշվում է, որ Տրոեկուրովյան գերեզմանոցում Դեդ Հասանին հրաժեշտ տվել ցանկացող բոլոր անձանց դիմավորել է հենց Դմիտրի Չանտուրիան, ով ղեկավարել է նրա մահվանից հետո կազմակերպված միջոցառումները, ինչը քիչ բան չի նշանակում մաֆիոզների շրջանում: Հետևաբար, «Միրոնը» դարձել է Դեդ Հասանի կլանի նոր առաջնորդը:
