Կուբացիներին թույլատրվել է առանց իշխանությունների թույլտվության մեկնել արտասահման
Ռուսական Интерфакс լրատվական գործակալության փոխանցմամբ՝ Կուբայի քաղաքացիներն այսօրվանից սկսած իրավունք են ստանում առանց իշխանությունների հատուկ թույլտվության մեկնել արտասահման: Միևնույն ժամանակ մեծացվել է արտասահմանում գտնվելու թույլատրելի ժամկետը՝ 11-ից 24 ամսվա:
Ավելի վաղ կուբացիները պետք է արտասահման մեկնելու համար ստանային միգրացիայի հարցերով տեղական վարչության թույլտվությունը: Forbes-ի հաղորդմամբ՝ միաժամանակ դյուրացվել են ԱՄՆ-ում բնակվող կուբացի վտարանդիների համար Ազատության կղզի մուտք գործելու կանոնները:
