Ադրբեջանցի զինծառայողը կրակել է իր ծառայակցի վրա
Ադրբեջանական APA լրատվական գործակալության փոխանցմամբ` ադրբեջանցի զինծառայողը կրակել է իր ծառայակցի վրա: Միջադեպը գրանցվել է Ղազախի շրջանի զորամասերից մեկում:
1993 թվականին ծնված զինծառայող Ռուսլան Միրզաօղլու Շահբազովն իրեն ամրակցված զենքի հետ անզգուշաբար վարվելու պատճառով կրակել է իր ծառայակից, 1994 թվականին ծնված Վահիդ Թելմանօղլու Աղաբալազադեի գլխին: Վերջինիս տեղափոխել են հոսպիտալ, նրա առողջական վիճակը գնահատվում է ծանր:
Ադրբեջանի պաշտպանության նախարարության մամլո ծառայության պետի տեղակալ Թեյմուր Աբդուլաևը հաստատել է տվյալ փաստը:
