Արամ Սարգսյանը, հնարավոր է՝ առաջադրվի
«Հանրապետություն» կուսակցությանը մոտ կանգնած 168.am-ի աղբյուրների համաձայն, եթե ԲՀԿ նախագահ Գագիկ Ծառուկյանի չառաջադրման մասին տեղեկությունները պաշտոնական հաստատում ստանան, ապա «Հանրապետություն» կուսակցության նախագահ Արամ Սարգսյանը նախագահական ընտրություններում կարող է առաջադրել իր թեկնածությունը:
«Կուսակցության քաղխորհրդի անդամների մեծամասնությունը կողմ է նման մոտեցմանը, բայց վերջնական որոշումը կկայացվի դեկտեմբերի 21-ին կայանալիք կուսակցության համագումարի ժամանակ»,- 168.am-ի թղթակցին հայտնել է կուսակցության աղբյուրը:
«Հանրապետության» անդամները համարում են, որ Ծառուկյանի չառաջադրման դեպքում հասարակությունը գործող իշխանությանը փոխելու ունակ ուժ է փնտրելու, և այդ դերը իր վրա կարող է վերցնել Արամ Սարգսյանը:
Լուսանկարը՝ Գագիկ Շամշյանի
