ՀԱԿ-ը կարող է մնալ միայնակ
ԲՀԿ նախագահ Գագիկ Ծառուկյանի անորոշ կեցվածքը և նախագահական ընտրություններին մասնակցությունից հրաժարվելու նրա հնարավոր որոշումը նոր իրավիճակ է ստեղծել ՀԱԿ-ում:
Այստեղ սկսել են ակտիվորեն քննարկել սեփական թեկնածուով մասնակցելու հնարավորությունը և կրկին պնդել, որ Լևոն Տեր-Պետրոսյանը պետք է առաջադրվի: ՀԱԿ-ում մինչև այժմ նախատեսում էին, որ Գագիկ Ծառուկյանը կառաջադրվի, իսկ իրենք կպաշտպանեն նրա թեկնածությունը, որպես ընդդիմության միասնական թեկնածուի:
Բայց եթե Ծառուկյանը չառաջադրվի, իրենք ստիպված են լինելու միայնակ պայքարել «ավազակապետության տապալման» համար, քանի որ չեզոքությունը կնշանակի, որ ՀԱԿ-ն ընդունում է ավազակապետության գոյությունը:
