Facebook-ը հնարավորություն է տալիս հաղորդագրություն ուղարկել՝ առանց սոցցանցում գրանցվելու
Facebook սոցցանցը որոշել է հնարավորություն տալ այն մարդկանց ովքեր սոցցանցում օգտահաշիվ չունեն օգտվել իր հաղորդագրություններով շփվելու հնարավորությունից: Այս մասին հայտնում է պաշտոնական ինտերնետային կայքը:
Facebook- Chat մուտք գործելու համար անհրաժեշտ է միայն հավաքել անունը (լոգին) և հեռախոսահամարը: Դրանից հետո հաղորդագրությունները, խմբակային չաթերը, լուսանկարների փոխանակումն ու այլ ծառայություններ հասանելի կլինեն:
Այժմ այս նոր հնարավորությունն ունեն միայն Android բջջային սարքերի օգտատերերը մի քանի երկրներում, այդ թվում` Ավստրալիայի, Վենեսուելայի և Հարավային Աֆրիկայի օգտատերերը:
Ավելի ուշ նոր ծառայությունը կհայտնվի նաև iOS օպերացիոն համակարգով սարքերի համար:
Ըստ վերլուծաբանների՝ այս կերպ սոցցանցը կարծես փորձում է վերացնել լիովին ավանդական SMS հաղորդագրություն ուղարկելու եղանակը:
