ՀՀԿ փոխնախագահը շփոթվել է
168.am-ը ԱԺ պատգամավոր, ՀՀԿ փոխնախագահ Ռազմիկ Զոհրաբյանից հետաքրքրվեց, թե ինչո՞ւ էր ինքը «կողմ» քվեարկել «Ժառանգություն» խմբակցության կողմից ներկայացված հակակոռուպցիոն ժամանակավոր հանձնաժողով ստեղծելու նախաձեռնությանը՝ այն դեպքում, երբ ՀՀԿ խմբակցությունը դեմ էր արտահայտվել իրեն:
«Պատահականություն էր»,- պարզաբանեց պարոն Զոհրաբյանը:
Մեր այն հարցին, թե հնարավո՞ր է, որ իր «կողմ» քվեարկությամբ ինքը փորձել է ցույց տալ, որ իրեն էլ են մտահոգում կոռուպցիայի ահագնացող չափերը, պարոն Զոհրաբյանը պատասխանեց, թե ինքը միշտ քվեարկում է խմբակցության որոշումներին համապատասխան:
