Որքան դրամական միջոցներ ունեն կառավարության անդամները
Բարձրաստիճան անձանց էթիկայի հանձնաժողովի կայքում (www.ethics.am) տեղադրված են պաշտոնյաների և նրանց հետ փոխկապակված անձանց հայտարարագրերը։ Դրանց հիման վրա կազմել ենք կառավարության անդամների հայտարարագրած դրամական միջոցների այս աղյուսակը։
Ամենից շատ գումար հայտարարագրել է վարչապետ Տիգրան Սարգսյանը՝ 35 միլիոն դրամ և 859 հազար դոլար։ Նրա և իր կնոջ հայտարարագրած դրամական միջոցները դրամական արտահայտությամբ կազմել են 452 միլիոն դրամ։
Արտակարգ իրավիճակների նախարար Արմեն Երիցյանը երկրորդ տեղում է (233 միլիոն դրամ), իսկ փոխվարչապետ, տարածքային կառավարման նախարար Արմեն Գևորգյանը՝ երրորդ (100.6 միլիոն դրամ)։
Նշենք, որ երիտասարդության և սպորտի նախարար Հրաչյա Ռոստոմյանը միակ նախարարն է, որը հայտարարագրել է բրիտանական արժույթով դրամական միջոցներ՝ 37 հազար ֆունտ ստերլինգ։
Ցանկում տեղ չգտած նախարարների տվյալները էթիկայի հանձնաժողովի կայքում տեղադրված չեն։
