Օրանժ Արմենիայի գլխավոր տնօրենին փոխում են
Հայաստանում բջջային կապի 3-րդ օպերատոր Օրանժ Արմենիայի գլխավոր տնօրեն Բրունո Դյութուային կփոխարինի Ֆրանսիս Ժելիբտերին: Այս տեղեկությունը Aravot.am-ին հաստատել են Օրանժ Արմենիայի լրատվական ծառայությունից:
Երկու օրից, Ֆրանս Տելեկոմ խմբի եվրոպական շուկաների գծով փոխնախագահ Բենուա Շինը կներկայացնի նոր տնօրենին: Հարցին, թե ո՞րն է պարոն Դյութուայի հեռանալու պատճառը, Օրանժից պարզաբանել են, որ այն պայմանավորված է ընկերության վարած քաղաքականությամբ:
