Հունաստանը կղզիներ է վաճառում
«Իմ գերակայություններից մեկն է տնտեսական աճի վերականգնումը»,- «Le Monde»-ին տված հարցազրույցում հայտարարել է Հունաստանի վարչապետ Անտոնիս Սամարասը` ավելացնելով. «Դրա համար մեզ անհրաժեշտ են ներդրումներ և ապապետականացում: Մենք արդեն սեփականաշնորհման օբյեկտների ցուցակում ավելացրել ենք երկաթուղիներ, էլեկտրակայաններ և Աթենքի հարավային ուղղությամբ գտնվող կղզիների մի մասը»: Նա ասել է, որ այդ ծրագրի շրջանակներում երկիրը կարող է վաճառել կամ վարձույթով տրամադրել չբնակեցված կղզիներից մի քանիսը: Այդ ճանապարհով Հունաստանի կառավարությունը հույս ունի ֆինանսական միջոցներ ստանալ ճգնաժամի դեմ պայքարելու համար: Սամարասն ասել է, որ կղզիները կվաճառվեն կամ վարձակալության կհանձնվեն միայն այն դեպքում, եթե վստահ լինեն, որ դրանով չի վտանգվի երկրի ազգային անվտանգությունը:
