Հայաստան եկող սիրիահայերի թիվը դարձյալ անհամեմատ մեծ է մեկնողներից
Ինչպես արդեն տեղեկացրել էինք, «Արմավիա» ավիափոխադրող ընկերությունը այսօր՝ օգոստոսի 22-ին կանոնավոր կերպով իրականցրել է 3-րդ արտահերթ չվերթը Երևան-Հալեպ-Երևան ուղղությամբ: 168.am-ի հետ զրույցում ընկերության մամուլի խոսնակ Նանա Ավեիտսովան տեղեկացրել էր, որ այսօր 12:40 ինքնաթիռը վայրէջք է կատարել Զվարթնոց օդանավակայանում: Ավելի ուշ տեղեկացանք, որ Հալեպից այսօր ժամանել է 86 ուղևոր, սակայն Հալեպ մեկնողների թվի մասին որևէ տեղեկություն չունենք:
Հիշեցնենք, որ դեռևս հուլիսի 27-ին «Արմավիա» ազգային ավիափոխադրող ընկերությունը հայտարարել էր, որ պատրաստ է լրացուցիչ չվերթներ կազմակերպել և վերջին տվյալներով օգոստոսի 15-ի լրացուցիչ երկրորդ չվերթին մեկնել էր 5, վերադարձել 104 ուղևոր:
