Apple-ը դարձել է ամենաթանկ ընկերությունը
Apple ընկերությունը երեկ՝ օգոստոսի 20-ին նոր ռեկորդ է սահմանել, դառնալով՝ բորսաների պատմության մեջ ամենաթանկ ընկերությունը: Նախկինում այդ տեղը զբաղեցնում էր Microsoft ընկերությունը: Այս մասին գրում է CNews-ը:
Apple ընկերության բաժնետոմսերի ընդհանուր արժեքը պատմական առավելագույնին է հասել, այն գնահատվել է 623մլրդ դոլարի, ինչը գերազանցել է նախկինում «Microsoft» ընկերության կողմից 1999 թվականին սահմանված ռեկորդը՝ 620,58 մլրդ դոլար:
«Apple» ընկերության բաժնետոմսերի թանկացումը ըստ բորսային վերլուծաբանների պայմանավորված է ընկերության արտադրության նոր սարքերի՝ մասնավորապես iPhone-ի նոր տարբերակի եւ նոր մոդելի iPad-ի առաջիկա թողարկմամբ:
Նշենք, որ «Apple» ընկերությունը հիմնադրվել է 1976 թ. Սթիվ Ջոբսի կողմից, որը ընկերությունը ստեղծել էր իր գործընկեր Սթիվ Ոզնյակի հետ համատեղ:
