Ուսուցչուհու սպանության գործից նոր մանրամասներ չկան
Երևանի թիվ 56 դպրոցի ուսուցչուհի 45-ամյա Լուսինե Ղազարյանի սպանության գործով նոր մանրամասներ չկան: Այս մասին 168.am-ի հետ զրույցում ասել է ՀՀ ոստիկանության հասարակայնության հետ կապերի վարչության ղեկավար Արմեն Մալխասյանը:
Նաև հավելել է, թե Լուսինե Ղազարյանի սպանության գործով նշանակվել է դատաբժշկական փորձաքննություն:
Հիշեցնենք, որ օգոստոսի 12-ին, առավոտյան ժամը 06:40-ի սահմաններում, Ոստիկանության Արաբկիրի բաժին ահազանգ է ստացվել անհայտ քաղաքացուց, որ Կոմիտաս 30 շենքի 6-րդ բնակարանում մահացած կնոջ դիակ կա:
Սպանված կինը նշված բնակարանի միակ բնակչուհի, 45-ամյա Լուսինե Ղազարյանն էր, որն աշխատում էր Երևանի թիվ 56 միջնակարգ դպրոցում տարրական դասարանի ուսուցչուհի:
168.am-ը ՀՀ ոստիկաության հասարակայնության հետ կապերի բաժնի պետ Արմեն Մալխասյանից այսօր փորձեց պարզել՝ արդյո՞ք այս սպանության գործով նոր մանրամասներ բացահայտվե՞լ են: Պարզվեց՝ ոչ: Մալխասյանը նշեց՝ հարուցվել է քրեական գործ, կատարվում է նախաքննություն, նշանակվել է դատաբժշկական փորձաքննություն:
