Արբատ գյուղում տնակ է այրվել, կան տուժածներ
Քիչ առաջ 168.am-ը ահազանգ ստացավ Մասիսի Արբատ գյուղի բնակիչներից, որտեղ արտակարգ պատահար է գրանցվել:
Հինգ անչափահաս երեխա ունեցող Թերեզա Առաքելյանի տնակում գազի անսարքության պատճառով հրդեհ է բռնկվել, որի արդյունքում երեխաների մայրը ծանր այրվածքներ է ստացել: «Տնակը կարտոնից է, իրենք շատ ծանր վիճակում ապրող ընտանիք են: Թերեզան գնացել էր կով կթելու, տանը երեխաներն են եղել: Գազի անսարքության պատճառով մի էնպիսի հրդեհ է բռնկվել, որ փոքրիկ երեխային մի կերպ բոցերի միջից դուրս են հանել: Դեմիկն ամբողջությամբ մոխիր է դարձել: Հենց հիմա երեխեքը բաց երկնքի տակ կանգնած են, իսկ Թերեզան ծանր այրվածքներ է ստացել, ամբողջ դեմքն այրվել է»,- 168.am-ին տեղեկացրին Արբատ գյուղի բնակիչները, ովքեր նաև մեզ հավաստիացրեցին, որ Հրշեջ ծառայությունը դեպքի վայր է հասել այն ժամանակ, երբ գյուղի բնակիչներն արդեն հրդեհը մարել էին
