2013 թվականին Իրանը կհրաժարվի ինտերնետից
Իրանի Իսլամական Հանրապետությունը 2013թ. պատրաստվում է դադարեցնել ինտերնետի շահագործումը և դրա փոխարեն՝ սկսել գործածել երկրի սահմաններով սահմանափակվող ինտերնետի օգտագործումը: Այս մասին գրում է MIGNews-ը:
Իրանի տեղեկատվության և հաղորդակցության նախարար Ռեզա Տակիպուրն ինտերնետն անվանել է «վստահության անարժան» : Նրա համոզմամբ` ինտերնետը գտնվում է մեկ կամ երկու երկրների հսկողության տակ: Նախարարի խոսքով՝ Իրանի նախարարությունների և պաշտոնական հաստատությունների կայքէջերը համաշխարհային ցանցից դուրս կգան արդեն այս տարվա սեպտեմբերին, իսկ ինտերնետից ամբողջական հրաժարումը կլինի 2013 թվականին:
Հետաքրքիր և զարմանալի է այն, որ Իրանի տեղեկատվության և հաղորդակցության նախարարն այս հայտարարությունն արել է Իրանի Իսլամական Հանրապետության հոգևոր առաջնորդ Այաթոլա Ալի Խամենեիի՝ twitter և Instagram միանալուց ընդամենը մեկ շաբաթ հետո: Նշենք, որ նմանատիպ «ներքին ինտերնետ» ունի Հյուսիսային Կորեան: Այն գործում է 2000թ.-ից: Փակ ինտերնետ գործում է նաև Կուբայում:
