Ռուսական գազի արտահանումը նվազել է
ՌԴ ֆեդերալ մաքսային ծառայության տվյալներով, այս տարվա առաջին կիսամյակում բնական գազի արտահանումը դեպի ԱՊՀ երկրներ նվազել է 19.2%-ով և կազմել 33.1 մլրդ խմ։
1.8%-ով նվազել են նաև դեպի հեռավոր արտասահման բնական գազի արտահանման ծավալները՝ կազմելով 59.7մլրդ խմ։ Ընդհանուր առմամբ, Ռուսաստանն այս տարվա առաջին 6 ամիսների ընթացքում արտահանել է 92.8մլրդ խմ գազ։
Ուշագրավն այն է, որ, մասնավորապես, ԱՊՀ երկրների կողմից գազի ներմուծման կրճատման ֆոնին` ավելացել է Հայաստանի կողմից սպառվող գազի ծավալը։ Այսպես, «ՀայՌուսգազարդ» ընկերության պաշտոնական կայքում հրապարակված տվյալների համաձայն, 2012 թվականի հունվար-հունիս ամիսների ընթացքում նախորդ տարվա համեմատ 22,37%-ով ավելացել են ՌԴ-ից Հայաստան ներկրվող բնական գազի ծավալները՝ կազմելով 1 018.762 մլն խ.մ: Նշված ժամանակահատվածում իրացվել է 844.380 մլն խ.մ, ինչը 14,74%-ով ավել է նախորդ տարվա ցուցանիշից:
